(რეზონანსი) ქუთაისში, საკრებულოს პირველი სხდომა ოპოზიციის გარეშე მიმდინარეობს. სხდომა პროტესტის ნიშნად დატოვეს "ნაციონალური მოძრაობის" წარმომადგენლებმა.

ოპოზიციის განცხადებით, არჩევნები არადემოკრატიულ გარემოში ჩატარდა, შესაბამისად, მეექვსე მოწვევის საკრებულოს შემადგენლობას ისინი უნდობლობას უცხადებენ. მათ კენჭისყრებში მონაწილეობა არ მიიღეს.

ქუთაისის საკრებულოში სულ 25 წევრია. არჩევნების შედეგების მიხედვით, საკანონმდებლო ორგანოში სამი პარტია შევიდა: "ქართული ოცნება", "ნაციონალური მოძრაობა" და "ევროპული საქართველო".

საქართველოში თვითმმართველობის არჩევნები 21 ოქტომბერს ჩატარდა.