(რეზონანსი) ზუგდიდში, ე.წ. „ქაფათის" სასაფლაოზე, 50 სანტიმეტრის სიღრმეზე პოლიეთილენში გახვეული მამაკაცის ცხედრის ნაწილები იპოვეს.

უცნობი ადამიანის ცხედრის ნაწილები, მესაფლავეებმა ახალი საფლავის გაჭრისას აღმოაჩინეს.

ნაპოვნ ძვლის ფრაგმენტებს იდენტიფიცირების მიზნით ექსპერტიზა უტარდება.

გარდაცვლილის ვინაობის დადგენაზე სამართალდამცველ სტრუქტურებთან ერთად წითელი ჯვრის წარმომადგენლობაც მუშაობს.

წითელი ჯვრის ადგილობრივი ოფისის ხელმძღვანელის, შორენა გამსახურდიას ინფორმაციით, ორგანიზაცია ექსპერტიზის პასუხს ელოდება, რათა მათ ხელთ არსებული რამოდენიმე უგზო-უკვლოდ დაკარგული ოჯახის წევრის დე-ენ-ემ-ის ანალიზი ერთმანეთს შეედაროს.