(რეზონანსი) ეუთოს დამკვირვებლებმა ლუგანსკში რუსული სამხედრო ტექნიკის და სამხედროების კოლონები დააფიქსირეს.

უკრაინის პრეზიდენტმა, პეტრო პოროშენკომ, უკრაინის ეროვნული უსაფრთხოებისა და თავდაცვის სამხედრო კაბინეტის საგანგენო სხდომა მოიწვია.

ძალოვანი უწყებების ხელმძღვანელებმა პრეზიდენტს მიმდინარე პროცესების შესახებ ანგარიში წარუდგინეს. მთავარი საკითხი რუსული ტანკების მიერ უკრაინის საზღვრის უკანონო გადაკვეთა და ბოევიკების მხრიდან მოსალოდნელი პროვოკაციები იყო.

„რუსი სამხედროების რაოდენობის ზრდის გამო, უკრაინის შეიარაღებული ძალები მზად არიან მოვლენების ნებისმიერი განვითარებისთვის, რათა მშვიდობიანი მოსახლეობის უსაფრთხოება უზრუნველყონ "- განაცხადა პოროშენკომ.