(რეზონანსი) ლუგანსკის დეფაქტო ლიდერი იგორ პლოტნიცკი აცხადებს,რომ თვითაღიარებული რესპუბლიკის ტერიტორია არ დაუტოვებია.

ვითარება ლუგანსკში მას შემდეგ დაიძაბა, რაც პლოტნიცკიმ  ყოფილი დეფაქტო შინაგან საქმეთა მინისტრი იგორ კორნეტი თანამდებობიდან გაათავისუფლა, ის  კი ბრძანებას არ დაემორჩილა. კორნეტის მომხრეებმა პროკურატურა და ადმინისტრაციული შენობები დაიკავეს და რამდენიმე მაღალჩინოსანი დააპატიმრეს.

პლოტნიცკიმ კორნეტი სახელმწიფო გადატრიალების მოწყობის მცდელობაში კიდევ ერთხელ დაადანაშაულა და მას პასუხისგებაში მიცემით დაემუქრა.