(რეზონანსი) ქაშუეთის ტაძარში ბერი გაბრიელ სალოსის ქუჩაზე სპეცოპერაციის დროს დაღუპული სპეცრაზმელის ივანე გოლაშვილის სამოქალაქო პანაშვიდი მიმდინარეობს.
ადგილზე დილიდან იკრიბებიან გარდაცვლილის მეგობრები, ახლობლები და რიგითი მოქალაქეები, რომლებიც ოჯახს უსამძიმრებენ.
გარდაცვლილ სპეცრაზმელს ქაშუეთის ტაძრიდან 14:00 საათზე გამოასვენებენ და მუხათგვერდის ძმათა სასაფლაოზე დაკრძალავენ.
შეგახსენებთ, რომ 21-22 ნოემბერს, ბერი გაბრიელ სალოსის ქუჩაზე ჩატარებული სპეცოპერაციის შედეგად ერთი სპეცრაზმელი გარდაიცვალა. ხოლო ოთცი დაიჭრა, მათგან, ორი სუს-ის, ორი კი შსს-ს განსაკუთრებულ დავალებათა დეპარტამენტის თანამშრომელია.
სპეცოპერაციის შედეგად, დანაშაულებრივი ჯგუფის ერთი, რომელიც რუსეთის მოქალაქეა, დაკავებულია, ხოლო სამი ლიკვიდირებულია.