(რეზონანსი) ტერორისტული დაჯგუფება „ისლამური სახელმწიფო" დიდ ბრიტანეთში, საფრანგეთსა და გერმანიაში საშობაო ბაზრობაზე თავდასხმებით იმუქრება. ამის შესახებ ინფორმაციას გამოცემა „Daily Mail" ავრცელებს.

მათი ცნობით, ISIS-ის წევრები ავრცელებენ მასალებს, რომლითაც თავის ფანატიკოსებს ევროპაში საშობაო ბაზრობებზე თავდასხმებისკენ მოუწოდებენ.

კერძოდ, ისინი მესენჯერის მეშვეობით სურათებს აგზავნიან. ერთ-ერთ მათგანზე გამოსახულია ხელებშეკრული სანტა-კლაუსი, რომლის ზურგს უკანაც თვითმკვლელი დგას. ამ ფოტოს ინგლისურ, ფრანგულ და გერმანულ ენებზე შემდეგი შინაარსით ტექსტში ახლავს: " მალე თქვენს დღესასწაულებზე".