(რეზონანსი) საქართველოში აშშ-ის ელჩის, იან კელის განცხადებით, ბერი გაბრიელ სალოსის გამზირზე ჩატარებული სპეცოპერაციის საქმესთან დაკავშირებულ გამოძიებაში ქართულ მხარეს დახმარება ამერიკამ შესთავაზა.

„ საქართველო ჩვენი პარტნიორია და მზად ვართ, ნებისმიერი სახის დახმარება გავუწიოთ. მოხარული ვარ, რომ უსაფრთხოების კუთხით საქართველოსა და აშშ-ს თანამშრომლობა პროდუქტიულია", - განაცხადა იან კელიმ.

„რაც შეეხება იმას, იყო თუ არა ეს ახმედ ჩატაევი, ეს ჯერ ასი პროცენტით უნდა დადგინდეს. აშშ გამოძიებაში ჩართულია", - აღნიშნა ელჩმა.