(რეზონანსი) პირველი ვიცე-პრემიერისა და ეკონომიკის მინისტრის დიმიტრი ქუმსიშვილის განცხადებით, საქართველო-ჩინეთს შორის დადებული თავისუფალი ვაჭრობის შეთანხმება 2018 წლის 1 იანვარს ამოქმედდება.

ქუმსიშვილის თქმით, აღნიშნული ჩინეთის ვაჭრობის მინისტრის მოადგილემ დღეს დაადასტურა.

„დღეს უკვე ჩინეთის კომერციის მინისტრის მოადგილემ ასევე დაგვიდასტურა, რომ პირველი იანვრიდან ძალაში შევა სრულყოფილად თავისუფალი ვაჭრობის შეთანხმება ჩინეთის ტერიტორიაზე", - განაცხადა ქუმსიშვილმა.

მისივე განცხადებით, საქართველოში ხელშეკრულების ამოქმედებისთვის საჭირო პროცედურები დასრულდა.

ამ წლის 13 მაისს ჩინეთში, საქართველოს ეკონომიკის სამინისტროსა და ჩინეთის კომერციის სამინისტროს შორის თავისუფალი ვაჭრობის შესახებ ხელშეკრულებას ხელი მოეწერება.