(რეზონანსი) ღვთისმშობლის ტაძრად მიყვანების დღესასწაულთან დაკავშირებით, ხვალ სიონის ტაძარში წირვას პატრიარქის მოსაყდრე, მიტროპოლიტი შიო აღავლენს, - ამის შესახებ სრულიად საქართველოს კათოლიკოს-პატრიარქმა, ილია მეორემ სამების საკათედრო ტაძარში საკვიროაო წირვის დასრულების შემდეგ განაცხადა.

"ხვალ არის დიდი დღესასწაული - ტაძრად მიყვანება ყოვლადწმინდა ღვთისმშობლისა და წირვა შესრულდება სიონის ტაძარში. წირვას შეასრულებს მოსაყდრე, მეუფე შიო", - ბრძანა პატრიარქმა.

ილია მეორემ სრულიად საქართველოს კათოლიკოს-პატრიარქის მოსაყდრედ, მიტროპოლიტი შიო მუჯირი დაასახელა.