(რეზონანსი) კიევში სამხედრო ფორმაში ჩაცმულმა პირებმა ტელეკომპანია "NewsOne"- ის შენობის ბლოკირება მოახდინეს. მათ მაუწყებლის ოფისის შესასვლელთან ქვიშით სავსე ტომრები და მავთულხლართები მიიტანეს.

შეკრებილები კომპანიის მფლობელის მიერ ბოდიშის მოხდას ითხოვდნენ იმ განცხადების გამო, როდესაც მან "ევრომაიდანს" სახელმწიფო გადატრიალება უწოდა.

"NewsOne" - ის რედაქციაში კი მიიჩნევენ, რომ აღნიშნული ქმედება უკავშირდება ოდესის ყოფილი გუბერნატორის, მიხეილ სააკაშილის მიერ ორგანიზებული საპროტესტო აქციის პირდაპირ ეთერში გაშუქებას.

ტელეარხი ამ დრომდე ბლოკირებულია.