(რეზონანსი) საქართველოს პროკურატურაში აცხადებენ, რომ კიევში მიმდინარე მოვლენებთან დაკავშირებით, უკრაინის გენერალური პროკურატურისგან ინფორმაცია არ მიუღიათ.

"როგორც საზოგადოებისთვის ცნობილია, საქართველოს პროკურატურას გაგზავნილი აქვს უკრაინული მხარისათვის შუამდგომლობა მიხეილ სააკაშვილის საქართველოში ექსტრადირების თაობაზე, ხოლო შემდგომი გადაწყვეტილებები უნდა მიიღოს უკრაინის შესაბამისმა უწყებებმა.

„რაც შეეხება უშუალოდ დღეს განვითარებულ მოვლენებს, ამის შესახებ საქართველოს მთავარ პროკურატურას უკრაინის გენერალური პროკურატურისგან არანაირი ინფორმაცია არ მიუღია", - განაცხადეს პროკურატურაში.

ცოტახნის წინ საქართველოს ექს პრეზიდენტი მიხეილ სააკაშვილი დააკავეს. მას დაანაშაულებრივ დაჯგუფებებთან თანამშრომლობასა და მათი საქმიანობის დაფარვაში ბრალი ედება, რაც უკრაინის სისხლის სამართლის კოდექსის 256-ე მუხლის 1-ელი ნაწილით განისაზღვრება და 3-დან 5 წლამდე პატიმრობას ითვალისწინებს.