(რეზონანსი) სახალხო დამცველის წარმომადგენელი ხორავას ქუჩაზე მომხდარი მკვლელობის საქმეზე დაკავებულ პირებს უახლოეს დღეებში მოინახულებს, - ამის შესახებ განცხადება თავად ომბუდსმენმა გააკეთა.

როგორც უჩა ნანუაშვილმა განაცხადა, სახალხო დამცველის აპარატს უკვე დაწყებული აქვს საქმის შესწავლა, თუმცა ამ ეტაპზე დამატებით კომენტარს საკითხზე ვერ გააკეთებს, რადგან მას საქმის შესახებ დამატებითი ინფორმაცია არ გააჩნია.