(რეზონანსი) „ნაციონალური მოძრაობის" ლიდერებმა და მათმა მხარდამჭერებმა რუსთაველის მეტროდან მთავრობის ადმინისტრაციის შენობასთან გადაინაცვლეს.

აქცია-მსვლელობა „ღირსეული მანიფესტი" უკრაინაში სააკაშვილის გარშემო განვითარებული მოვლენების გამო დაიგეგმა. აქციის ორგანიზატორები აცხადებენ, რომ საქართველოს ექსპრეზიდენტს მიზანმიმართულად დევნიან.

შეგახსენებთ, რომ სააკაშვილი კიევში გუშინ დააკავეს, თუმცა მისმა მხარდამჭერებმა ის მიკროავტობუსიდან გამოიყვანეს. სააკაშვილზე უკრაინის სისხლის სამართლის კოდექსის სამი მუხლით ძებნა გამოცხადდა.