(რეზონანსი) სოფელ წინანდალში, ავტოსაგზაო შემთხვევას ერთ-ერთი ავტომანქანის მძღოლი ერმსხევრპლა. შემთხვევა გუშინ ღამით მოხდა.

თელავიდან გურჯაანის მიმართულებით მოძრავი „მიცუბიშისა" და „ჰონდას" მარკის ავტომანქანები ერთმანეთს შეეჯახა.

სასწრაფო დახმარების ბრიგადამ ორი დაშავებული მგზავრი თელავის რეფერალურ საავადმყოფოში გადაიყვანა. ერთ-ერთის ჯანმრთელობის მდგომარეობა შედარებით მძიმეა.

მომხდართან დაკავშირებით გამოძიება სსკ-ის 276-ე მუხლის მეხუთე ნაწილით დაიწყო, რაც ავტომობილის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.