(რეზონანსი) კიევში, შევჩენკოს მეოდანზე "ახალი ძალების მოძრაობის" ლიდერის, მიხეილ სააკაშვილის და "იმპიჩმენტის მარშის" მომხრეების აქცია-მსვლელობა დაიწყო.

მარშის დაწყებამდე შეკრებილებს სააკაშვილმა სიტყვით მიმართა.

„თქვენი ხმები საკანში მესმოდა, სადაც პოროშენკომ ჩამსვა. თქვენი მადლობელი ვარ. თქვენ მე გამათავისუფლეთ, ახლა კი ვალდებული ვარ თქვენთან ერთად გავათავისუფლო უკრაინა „ბარიგებისგან", კორუფციონერებისა და ოლიგარქებისგან", - განაცხადა სააკაშვილმა.

მსვლელობის დასრულების შემდეგ, სპეციალურად მოწყობილი სცენიდან ლიდერები აქციის მონაწილეებს მიმართავენ და სამოქმედო გეგმას გააცნობენ.