(რეზონანსი) უკრაინაში "ქართული ლეგიონის" პოზიციებზე თავდასხმის შედეგად დაშავებული ქართველებიდან ჰოსპიტალიზებული მხოლოდ ერთია. ამის შესახებ ინფორმაციას საგარეო საქმეთა სამინისტრო ავრცელებს.

უწყების ინფორმაციით, საკონსულო მათ დაუკავშირდა და საჭიროების შემთხვევაში შესაბამის დახმარებას გაუწევს.

მათივე ცნობით, რვა დაჭრილიდან ქართველი მხოლოდ ექვსია.

გუშინ უკრაინაში „ბოევიკებმა" სვეტლოდარის რკალზე, „ქართული ლეგიონის" პოზიციებზე მძლავრი შეტევა მიიტანეს. ამის თაობაზე „ქართული ლეგიონის" მეთაურმა მამუკა მამულაშვილმა განაცხადა.