(რეზონანსი) კალაძის განცხადებით, ე.წ. ყვითელი სამარშრუტო ტაქსები თბილისის 14 ქუჩაზე მხოლოდ მოსაცდელებთან გააჩერებენ.

მისივე თქმით, აღნიშნულთან დაკავშირებით გეგმა შსს-სთან უკვე შეთანხმებულია.

„გამოყოფილია 14 ქუჩა, სადაც მიკროავტობუსები, ყვითელი სამარშრუტო ტაქსები მხოლოდ მოსაცდელებზე გააჩერებენ.

მინდა, ვთხოვო ტრანსპორტისა და კეთილმოწყობის სამსახურებს, რომ ამ 14 ქუჩაზე საცობების თავიდან აცილების მიზნით გააფართოვონ მოსაცდელები.

მნიშვნელოვანია მოსახლეობისა და სამარშრუტო ტაქსების მძღოლების ინფორმირება, რათა არ გამოიწვიოს დისკომფორტი", - განაცხდა კალაძემ.