(რეზონანსი) კიევის ოლქში ქართველი „კანონიერი ქურდი" დააკავეს, რომელსაც დაბა ვოზრელის მცხოვრების დაჭრა ედება ბრალად.

ოპერატიულ -სამძებრო ღონისძიებების შედეგად სამართალდამცავებმა დადგინეს, რომ დამნაშავე წარსულში „კანონიერი ქურდის", ახლა კი „კრიმინალური ავტორიტეტის" სტატუსით სარგებლობს.

უკრაინული მედიის ცნობით, დაკავებულს წარსულში მკვლელობაში ედებოდა ბრალი, 2014 წელს კი ძარცვის ბრალდებით, უკრაინაში 8-წლიანი სასჯელი მოიხადა.

„საერთო ჯამში დაკავებულმა საპატიმრო დაწესებულებებში 27,5 წელი გაატარა. ბოლოს ციხიდან 2016 სექტემბერში გამოვიდა, 6 თვის შემდეგ კი უცნობ პირთან კამათის დროს, არგუმენტის სახით ცივი იარაღი გამოიყენა" - წერია პოლიციის განცხადებაში.

სამართალდამცველებმა „კანონიერი ქურდი" კიევის ოლქში დააკავეს. ჩადენილი დანაშაულისთვის მას 5-დან 8 წლამდე თავისუფლების აღკვეთა ემუქრება.