(რეზონანსი) „მოზარდებში ძალადობაზე პასუხისმგებელი, პირველ რიგში, ხელისუფლებაა და ჩვენ ამ გამოწვევას ვიღებთ", - აღნიშნული განცხადება პრემიერ-მინისტრობის კანდიდატმა, გიორგი კვირიკაშვილმა საპარლამენტო მოსმენისას გააკეთა.

მისივე თქმით, მსგავს საკითხებზე საზოგადოების კონსოლიდირებაა მნიშვნელოვანი, რათა არსებულ გამოწვევას სათანადო პასუხი გაეცეს.

„ დაგეგმილია კომპლექსური ღონისძიებები და დიდი იმედი გვაქვს, რომ თვისობრივად შევცვლით სიტუაციას. ახალმა მინისტრმა ამ მიდგომებზე ისაუბრა და მინდა ვთქვა, რომ მას მთელი მინისტრთა კაბინეტის მხარდაჭერა აქვს", - განაცხადა კვირიკაშვილმა.