(რეზონანსი) ევროკომისიამ პოლონეთის წინააღმდეგ სანქციების დაწესების პროცესი წამოიწყო.
იმ შემთხვევაში, თუ ევროკომისიის რეკომენდაციას ევროკავშირის წევრი ქვეყნები გაიზიარებენ, პოლონეთს ევროკავშირის საბჭოში ხმის უფლება დროებით შეუჩერდება.
ამავე დროს, ვარშავა მილიონობით ევროს დაკარგავს.
ბრიუსელი ვარშავას სასამართლო რეფორმების გამო ედავება და აცხადებს, რომ პოლონეთის ხელისუფლებამ ევროკავშირის ერთ-ერთ მთავარ პრინციპს, კანონის უზენაესობას საფრთხეს უქმნის.
როგორც ევროკომისიაში აცხადებენ, რეფორმა, რომელიც პოლონეთის ხელისუფლებამ დაამტკიცა, მოსამართლეების დამოუკიდებლობას ზღუდავს.
15 ივლისს, პოლონეთის პარლამენტმა მიიღო კანონპროექტი, რომლის თანახმადაც, მინისტრებსა და დეპუტატებს ეძლევათ იურიდიული უფლება, კონსულტაციის გარეშე დანიშნონ მოსამართლე.