(რეზონანსი) მოსკოვმა და ოკუპირებულმა აფხაზეთის დეფაქტო მთავრობამ განათლებისა და კვალიფიკაციის ორმხრივი აღიარების შესახებ შეთანხმება გააფორმეს.

დოკუმენტს ხელი რუსეთისა და დე ფაქტო აფხაზეთის განათლების მინისტრებმა, ოლგა ვასილიევამ და ადგურ კაკობამ მოაწერეს.

შეთანხმებაში ნათქვამია, რომ აფხაზეთში გაცემული განათლებისა და კვალიფიკაციის დამადასტურებელ დოკუმენტებს რუსეთის ფედერაციაში ანალოგიური დოკუმენტის ტოლფასი იურიდიული ძალა ექნება.