(რეზონანსი) პოლონეთის საგარეო საქმეთა მინისტრის, ვიტოლდ ვაშიკოვსკის განცხადებით, რუსეთის მიერ თვითმფრინავის ნაწილების შენახვა ადასტურებს ფაქტს , რომ სმოლენსკის კატასტროფის რეალური დეტალები იმალება.

„ კატასტროფის რეალური მიზეზების დასადგენად რუსეთს არ სურს გამოძიებასთან თანამშრომლობა, რაც გამოთქმულ ეჭვებს ასასტურებს" , - განაცხადა ვაშიკოვსკიმ „პოლონეთის რადიოსთან" საუბარში.

2010 წლის 10 აპრილს, სმოლენსკთან, თვითმფრინავმა, რომელშიც პოლონეთის პრეზიდენტი, მისი მეუღლე და ქვეყნის სხვა ოფიციალური პირები იმყოფებოდნენ, კატასტროფა განიცადა. ბორტზე მყოფი 96-ვე ადამიანი გარდაიცვალა.

პოლონეთის დელეგაცია კატინში 1940 წელს მომხდარი ტრაგედიის წლისთავის აღსანიშნავად მიემგზავრებოდა.

მეორე მსოფლიო ომის დროს სოფელ კატინთან საბჭოთა კავშირის შინაგან საქმეთა სახალხო კომისარიატის წარმომადგენლებმა პოლონელი სამხედრო ტყვეები დახვრიტეს.