(რეზონანსი) თურქეთში, სტამბოლის პოლიციამ ანტიტერორისტული რეიდის ფარგლებში 45 უცხო ქვეყნის მოქალაქე დააკავა, რომლებიც „ისლამურ სახელმწიფოსთან" კავშირში არიან ეჭვმიტანილები.

ოპერაცია სტამბოლის 7 რაიონში ჩატარდა. დაკავებულები, დაუზუსტებელი ინფორმაციით, სირიასა და ერაყში ტერორისტების რიგებში იბრძოდნენ.

სირიასა და ერაყში შეიარაღებული კონფლიქტის დაწყების შემდეგ თურქმა სამართალდამცველებმა ტერორიზმის ბრალდებით 5 ათასი ადამიანი დააკავეს.