(რეზონანსი) 22-23 დეკემბერს საქართველოს მასშტაბით განხორციელებული საპოლიციო კონტროლისა და ოპერატიულ-საგამოძიებო ღონისძიებების შედეგად დაკავებულია 69 პირი.

მათ შორის, სისხლის სამართლის კოდექსით გათვალისწინებული დანაშაულის ჩადენისათვის 32 , წვრილმანი ხულიგნობისა და პოლიციისადმი დაუმორჩლებლობის ფაქტზე კი დაკავებულია 37 პირი.

შსს - ს ცნობით, ამოღებულია სხვადასხვა სახის ნარკოტიკული საშუალებები, 50 ცეცხლსასროლი იარაღი, 33 ხელყუმბარა, 12 კაფსულ-დეტონატორი და 2278 ცალი ვაზნა.

სამინისტროს ცნობით, საპოლიციო კონტროლის დროს გადამოწმდა 36 330 პირი.