(რეზონანსი) აშშ-ის სახელმწიფო დეპარტამენტის ოფიციალური წარმომადგენელის, ჰიზერ ნაუერტის განცხადებით, შეერთებულმა შტატებმა უკრაინისთვის თავდაცვითი საშუალებების გადაცემის გადაწყვეტილება მიიღო.

მისივე თქმით, აშშ-ის სამხედრო დახმარებას მხოლოდ თავდაცვითი ხასიათი აქვს.

საპირისპირო აზრისაა რუსეთის საგარეო საქმეთა მინისტრის მოადგილე, გრიგორი კარასინი,რომელმაც ვაშინგტონი კიევში საომრად განწყობილი ძალების წაქეზებაში დაადანაშაულა.

„აშშ-ის მიერ მიღებულ გადაწყვეტილებას, კიევისთვის შეიარაღების მიწოდების თაობაზე მოსკოვში საკმაოდ სახიფათოდ მიიჩნევენ, რადგან ვაშინგტონი უკრაინას ძალისმიერი სცენარის განხორციელებისკენ უბიძგებს", - განაცხადა კარასინმა.