(რეზონანსი) თურქეთში, სტამბოლის ერთერთ რესტორანში "კანონიერი ქურდი" დავით ალხანაშვილი, იგივე "დათო პანკისკი" ცეცხლსასროლი იარაღიდან ოთხი გასროლით მოკლეს.

დაუდასტურებელი ინფორმაციით, ალხანაშვილი, "კანონიერი ქურდის", ზაქარია კალაშოვის, იგივე "შაქრო მოლოდოის" გარემოცვამ შურისძიების მიზნით მოკლა.

ახლობლების ინფორმაციით, დავით ალხანაშვილი რესტორანში იმყოფებოდა, რა დროსაც მას დაურეკეს, გარეთ გასვლის შემდეგ კი ზურგში ესროლეს.

დაჭრილი ალხანაშვილი კლინიკაში გადაიყვანეს, მაგრამ მისი გადარჩენა ვერ მოხერხდა.