(რეზონანსი) ელექტროენერგიის გადაცემისა და დისპეტჩერიზაციის ტარიფები გაიზარდა.

თუ "სახელმწიფო ელექტროსისტემის" ელექტროენერგიის გადაცემის მოქმედი ტარიფი 0.872 თეთრია, 2018 წლის 1 იანვრიდან 1.323 თეთრი გახდება (დღგ-ს გარეშე).

სემეკის თავმჯდომარის, ირინა მილორავას განცხადებით, ტარიფის გაზრდა "სახელმწიფო ელექტროსისტემის" მიერ დაგეგმილ ინვესტიციებს უკავშირდება, რომელიც დაახლოებით 600 მილიონი ლარი იქნება.

სემეკის ახლადარჩეული წევრი დავით ნარმანია უწყების 25-26 დეკემბრის სხდომებში მონაწილეობას არ მიიღებს, შესაბამისად, ის ელექტროენერგიის ახალი ტარიფების დამტკიცების პროცესში ჩართული არ იქნება.