(რეზონანსი) 7 წლიანი პატიმრობის შემდეგ სოხუმის ციხიდან გიორგი ლუკავა გათავისუფლდა. შერიგებისა და სამოქალაქო თანასწორობის საკითხებში სახელმწიფო მინისტრის აპარატის ცნობით, ლუკავა დღეს გაათავისუფლეს.

ლუკავა 2011 წლის მაისში გალის რაიონის სოფელ ზემო ბარღებში დააკავეს და 20 წლიანი პატიმრობა მიუსაჯეს.

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა ლუკავას ხანგრძლივი პატიმრობიდან გათავისუფლება შეაფასა, როგორც ქართულ და აფხაზურ მხარეებს შორის ჰუმანიტარულ საკითხებზე თანამშრომლობისა და ურთიერთობის პოზიტიური მაგალითი.

სახელმწიფო უსაფრთხოების სამსახური დრანდის ე.წ. ციხიდან გიორგი ლუკავას გათავისუფლებას გამოეზმაურა და განაცხადა, რომ ეს მრავალთვიანი მოლაპარაკებების შედეგია.