(რეზონანსი) რუსეთის პროკურატურამ ე.წ. კრიმინალური ავტორიტეტის, შაქრო კალაშოვის, იგივე "შაქრო მალადოის" საქმეზე "როსნეფტის" მთავარი იურისტი, ალექსეი კრამარენკო დააკავა, რომელიც 2016 წლის ზაფხულამდე საგამოძიებო კომიტეტს ხელმძღვანელობდა.

კრამარენკოს ქრთამის სანაცვლოდ საგამოძიებო კომიტეტის შენობაში კრიმინალური ავტორიტეტების შეხვედრის ორგანიზებას ედავებიან.

გამოძიების ვერსიით, თანხის სანაცვლოდ, ყოფილმა მაღალჩინოსანმა შაქრო კალაშოვი იზოლატორში მის მეგობარს - ანდრეი კოჩუიკოვს, მეტსახელად, "იტალიელს" შეახვედრა.

"იტალიელისა" და კალაშოვის გარემოცვის რამდენიმე წევრი ციხეში რესტორან „Elements"-ში მომხდარი სროლის გამო ისხდნენ.