(რეზონანსი) გორში, ახალაშენებულ რვა კორპუსში, დღეს, 445 დევნილ ოჯახს ბინა საკუთრებაში გადაეცა.

ბინების გადაცემის ღონისძიებას საქართველოს პრემიერ-მინისტრი გიორგი კვირიკაშვილი, დევნილთა და განსახლების მინისტრი სოზარ სუბარი და შიდა ქართლის გუბერნატორი კახა სამხარაძე ესწრებიან.

"გილოცავთ ამ ძალიან დიდ ბედნიერებას. მეც, თითოეულ თქვენგანთან ერთად, ამ ბავშვებთან ერთად, რომელთა ბედნიერ სახეებსაც ვუყურებ, ბედნიერი ვარ. ერთადერთი, რაც მინდა გითხრათ, ისაა, რომ ეს იქნება თქვენი ერთ-ერთი ბინა და მთავარი საცხოვრებელი. კერა და სახლი იქნება იქ, საიდანაც წამოხვედით. ღმერთის შეწევნით, ყველანი შევძლებთ, ჩვენი ქვეყანა გავაერთიანოთ, ვიცხოვროთ მშვიდობაში და ამ ბავშვებს ყოველთვის ჰქონდეთ ასეთი მომღიმარი სახეები. გილოცავთ ამ დღესასწაულს და დამდეგ შობა-ახალ წელს", - განაცხადა პრემიერმა.