(რეზონანსი) საქალაქო სასამართლოში, პანკისში ჩატარებული სპეცოპერაციისას დაკავებული სამი პირის სასამართლო პროცესი დაიხურა, თუმცა თავდაპირველად პროცესი ღია იყო.
პროცესს მხოლოდ ბრალდებულების - რუსლან ალდამოვის, ბადურ ჩოფანაშვილის და რამაზ მარგოშვილის ახლობლები და ოჯახის წევრები დაასწრეს.
პროცესი ღია მხოლოდ შუამდგომლობის განხილვის ეტაპზე იყო. მოსამართლემ სხდომა მას შემდეგ დახურა, რაც პროკურატურის შუამდგომლობა, სასამართლო განხილვების დახურულ რეჟიმში წარმართვასთან დაკავშირებით დააკმაყოფილა.
სუს-მა 26 დეკემბერს თბილისსა და პანკისში ჩატარებული სპეცოპერაციისას ხუთი პირი დააკავა. თითოეულ მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად.
პანკისში ჩატარებული სპეცოპერაციის დროს ერთი პირი დაიჭრა.