(რეზონანსი) ოკუპირებულ ცხინვალის რეგიონთან ე.წ. ადმინისტრაციული საზღვარი 31 დეკემბრის 21:00 საათიდან 2018 წლის 2 იანვრის 06:00 საათამდე დროებით დაიხურება. ამის შესახებ ინფორმაციას დე ფაქტო სამხრეთ ოსეთის ხელისუფლება ავრცელებს.

მათი განმარტებით, საკონტროლო-გამშვებ პუნქტზე უსაფრთხოების ზომების გამკაცრება ახალი წლის სადღესასწაულო დღეებს უკავშირდება.

„ახალი წლის ღამეს, 31 დეკემბრის 22:00 საათიდან დროებით შეჩერდება მოქალაქეთა გადაადგილება საქართველოსთან სახელმწიფო საზღვრის გამარტივებული გადაკვეთის ადგილებში. გამშვები პუნქტების მუშაობა 2 იანვრის 06:00 საათიდან ჩვეულ რეჟიმში აღდგება", - ნათქვამია განცხადებაში.