(რეზონანსი) უკრაინის აღმოსავლეთში მებრძოლმა „ქართულმა ლეგიონმა" უკრაინის შეიარაღებული ძალების 54-ე ბრიგადის შემადგენლობა დატოვა.

ლეგიონის თქმით, მიზეზი 54-ე ბრიგადის მეთაურის უკანონო ბრძანებები და ქმედებები არის.

მისივე განცხადებით, 54-ე ბრიგადის მეთაური „ქართული ლეგიონის" დაჭრილი წევრების პირდაპირ სამხედრო ჰოსპიტალიდან დეპორტირებას ცდილობს.

„ ჩვენ გამოვაქვეყნებთ „ქართული ლეგიონის" მეთაურისა და 54-ე ბრიგადის მეთაურის საუბრის აუდიოჩანაწერს, რომელშიც ბრიგადის მეთაური „ქართული ლეგიონის" წევრ მებრძოლებს დათხოვნით ემუქრება". - აღნიშნულია ლეგიონის განცხადებაში.