(რეზონანსი) საქართველოს პრეზიდენტმა სომეხ თანამოქალაქეებს შობისა და ნათლისღების დღესასწაულები მიულოცა.

მარგველაშვილმა საქართველოში მცხოვრებ ეთნიკურ სომხებს ბედნიერება, მშვიდობა, კეთილდღეობა უსურვა და განაცხადა, რომ მათ მნიშვნელოვანი წვლილი შეაქვთ ჩვენი ქვეყნის განვითარების საქმეში.

„ძვირფასო თანამოქალაქენო, გულითადად გილოცავთ შობისა და ნათლისღების ბრწყინვალე დღესასწაულებს. ჩვენი ხალხების მრავალსაუკუნოვანი მეგობრობა დასაფასებელი და მნიშვნელოვანია ჩვენი ერების მომავლისათვის", - განაცხადა საქართველოს პრეზიდენტმა.

სომეხთა სამოციქულო ეკლესია დღეს შობის დღესასწაულს და ნათლისღებას აღნიშნავს.