(რეზონანსი) ვაჟა-ფშაველას ძეგლთან ძიძა 2-3 წლის ბავშვს ტუჩებში და სხეულის სხვა ნაწილებში ურტყამდა. აღნიშნული ინფორმაცია გაავრცელა გოგონამ, რომელიც მომხდარს შეესწრო.

მისივე თქმით, ქალი, რომელიც დაუზუსტებელი ინფორმაციით, ძიძაა, ლანძღავდა და ფიზიკურ შეურაცყოფას აყენებდა 2-3 წლის ბავშვს.

„ როგორც კი გამვლელები ჩავერიეთ, ფაქტობრივად გაიქცა ბავშვთან ერთად, ამიტომ სხვაგვარი რეაგირება ვერ მოვასწარით". - განაცხადა გოგონამ სოციალურ ქსელში.