დეპუტატ დავით ჭიჭინაძე "ქართული ოცნებიდან" გარიცხვას ანგარიშწორებას უწოდებს და პარლამენტის თავმჯდომარე ირაკლი კობახიძეს კვლავ აკრიტიკებს.

„ის საქციელიც, რასაც მე ბოლო დღეების განმავლობაში ვუყურებ, როგორი ანგარიშსწორება ხდება ჩვენი პოლიტიკური გუნდის ყოფილ ლიდერთან, პარტიის თავმჯდომარე იყო კვირიკაშვილი და პრემიერ-მინისტრი იყო ამ ქვეყანაში და მისი ჩაწერილი და მოყვანილია ძირითადად ეს ადამიანები ქართულ ოცნებაში. ეს უპასუხისმგებლო, ზურგს უკან მუხანათური განცხადებები შეურაცხმყოფელია. ეტყობა, ეს ადამიანი შინაგანად არ არის თავისუფალი. მანდელა 27 წელი ციხეში იჯდა, თავისუფალი იყო, ეს კაცი 27 წელი თავმჯდომარე რომ იყოს, მაინც ვერ გათავისუფლდება" - განაცხადა დავით ჭიჭინაძემ.