მიმდინარე წლის 20 ივნისის მდგომარეობით, სავალდებულო პერიოდული ტექნიკური ინსპექტირება ჯამში, 36 394 ავტოსატრანსპორტო საშუალებამ გაიარა. მათ შორის, დაახლოებით, 75% ანუ 27 143 ავტოსატრანსპორტო საშუალება გამართული იყო. ეკონომიკისა სამინისტროს ინფორმაციით, 5 953 ავტოსატრანსპორტო საშუალებამ პერიოდული ტექნიკური ინსპექტირება განმეორებით გაიარა, ხოლო 243 მათგანი დამატებით დახარვეზდა.

იმ ავტოსატრანსპორტო საშუალებებს შორის, რომლებმაც სავალდებულო პერიოდული ტექნიკური ინსპექტირება გაიარეს, 8 532 იურიდიული პირის საკუთრებაშია.

რაც შეეხება სტატისტიკას ავტოსატრანსპორტო საშუალებების ტიპების მიხედვით, მონაცემები ასე გამოიყურება: ჯამში, პერიოდული ტექნიკური ინსპექტირება 15 ათასმა ავტობუსმა გაიარა. შედეგად, 11 166 

ავტობუსი გამართული; 3 834 კი დახარვეზებული აღმოჩნდა. 

რაც შეეხება მიკროავტობუსებს, პერიოდული ტექნიკური ინსპექტირება სულ 513-მა „მარშრუტკამ“ გაიარა. აქედან, 318 მიკროავტობუსი გამართული; 195 კი დახარვეზებული აღმოჩნდა.