საქართველოს განათლების, მეცნიერების, კულტურისა და სპორტის მინისტრს მიხეილ ბატიაშვილს 7 მოადგილე ეყოლება. მის ერთ ერთ მოადგილედ კულტურისა და სპორტის ყოფილი მინისტრი მიხეილ გიორგაძე დაინიშნა.

გიორგაძის გარდა ბატიაშვილის მოადგილეები იქნებიან ლია გიგაური, თეიმურაზ მურღულია, ალექსანდრე თევზაძე, ლევან ხარატიშვილი, შალვა გოგოლაძე და ირინე აბულაძე.

კულტურისა და სპორტის სამინისტრო განათლების სამინისტროსთან შეერთების შემდეგ გაუქმდა და ჩამოყალიბდა გაერთიანებული უწყება - საქართველოს განათლების, მეცნიერების, კულტურისა და სპორტის სამინისტრო.