ადამიანის უფლებათა დაცვის კომიტეტის თავმჯდომარე სოფო კილაძე თანაგუნდელის გედევან ფოფხაძის განცხადებას პასუხობს.

"თუ გედევან ფოფხაძე ფიქრობს, რომ "ქართული ოცნება" არის კომკავშირი, მე არ ვიცი… მე თუ ჩავთვლიდი, რომ კომკავშირია, მაშინ კომკავშირში ვერ გავჩერდებოდი. ეს მისი არჩევანია. ვფიქრობ, რომ მისი განცხადება შეურაცხმყოფელია პარტიისთვის, მე ვერ გავჩერდებოდი კომკავშირში, დანარჩენი გედის გადასაწყვეტია.

ნებისმიერ განვითარებულ, დასავლურ პარტიას აქვს შინაგანაწესი და პარტიული დისციპლინა. სამწუხაროდ, დავით ჭიჭინაძე არღვევდა პარტიულ დისციპლნას და არაერთხელ მიაყენა ჩვენი გუნდის სხვადასხვა წევრებს წარმოუდგენელი შეურაცხყოფა. "ქართულ ოცნებას" არ ეკადრება გუნდის წევრებმა სახალხოდ მიაყენონ ერთმანეთს შეურაცხყოფა", – ამბობს კილაძე.