(რეზონანსი) ამერიკის შეერთებული შტატების პრეზიდენტი, დონალდ ტრამპი რუს კოლეგასთან ვლადიმერ პუტინთან მეორე შეხვედრას მოუთმენლად ელოდება, რადგან ჰელსინკიში განხილული საკითხების რეალიზაცია მოხდეს.
„მოუთმენლად ველი მეორე შეხვედრას, რომ შევძლოთ ჰელსინკიში განხილული საკითხების რეალიზება, რომელთა შორისაა ტერორიზმი, ისრაელის უსაფრთხოება, მშვიდობა ახლო აღმოსავლეთში, ჩრდილოეთ კორეა და ასე შემდეგ",- წერს ტრამპი „ტვიტერში".
ტრამპის თქმით, მისი შეხვედრა პუტინთან აბსოლუტურად სწორი გადაწყვეტილება იყო.
„რუსეთთან სამიტს ჰქონდა ძალიან კარგი შედეგი, ოღონდ არა ნამდვილი მტრებისთვის - ყალბი ინფორმაციის გამავრცელებელი მედიისთვის",- წერს ტრამპი.