ცოტა ხნის წინ ავტოსაგზაო შემთხვევა მოხდა ცენტრალურ საავტომობილო მაგისტრალზე, სოფელ რუისთან. მსუბუქი ავტომობილი ქვეითად მოსიარულეებს შეეჯახა. შემთხვევის შედეგად გარდაცვლილია ახალგაზრდა ქალი, ხოლო ერთ-ერთი დაშავებული სასწრაფო სამედიცინო დახმარების ბრიგადამ "გორმედში" გადაიყვანა.

ფაქტზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც საგზაო მოძრაობის უსაფრთხოების ან ექსპლუატაციის წესის დარღვევას გულისხმობს.