პარლამენტის ყოფილ თავმჯდომარეს დავით უსუფაშვილსა და საქართველოს პრეზიდენტს გიორგი მარგველაშვილს შორის პირისპირ შეხვედრა შედგა. როგორც უსუფაშვილმა “კავკასიის” ეთერში განაცხადა, შეხვედრა სასარგებლო იყო და მოხდა აზრთა ურთიერთგაცვლა. დავით უსუფაშვილი განმარტავს, რომ მასა და პრეზიდენტს, ქვეყანაში არსებულ ვითარებასთან დაკავშირებით, პრაქტიკულად, ერთნაირი ხედვა და შეფასება აქვთ.

"შენების მოძრაობა" საპრეზიდენტო არჩევნებში მონაწილეობს და არჩევნებში არა მხოლოდ ღირსეული კანდიდატით წარდგება, არამედ შეეცდება ამ არჩევნებში ახალი პოლიტიკური ძალის კონტურები გამოჩნდეს. რა როლი ექნება ამ პროცესში მარგველაშვილს, ეს მისი გადასაწყვეტია", – აცხადებს უსუფაშვილი.