თურქული მედიის ინფორმაციით, სტამბოლში თარხან ბათირაშვილის მეუღლე და ორი შვილი დააკავეს. ისინი სტამბოლში, ანტიტერორისტული ოპერაციის ფარგლებში, ტერორისტულ ორგანიზაცია „ისლამურ სახელმწიფოსთან“ კავშირების გამო აიყვანეს.

აღსანიშნავია, რომ სედა დუდურკაევა სირიაში გაქცევის შემდეგ ტერორისტული დაჯგუფება „ისლამური სახელმწიფოს“ მეთაურის თარხან ბათირაშვილის მეუღლე გახდა. აღნიშნული სპეცოპერაციის ფარგლებში ხუთი პირი დააკავეს, მათ შორის თარხან ბათირაშვილის ორი შვილი.