გერმანიის პოლიციამ დააკავა მამაკაცი, რომელმაც ავტობუსში დანით დაჭრა, სულ ცოტა, 14 ადამიანი. ჩრდილოეთ გერმანიის ქალაქ ლიუბეკში მომხდარი ამ თავდასხმის მოტივად ოფიციალური პირები ტერორიზმს  არ გამორიცხავენ. დაჭრილებიდან ორი ადამიანის მდგომარეობა მძიმეა. ადგილობრივი გაზეთი „ლიუბეკერ ნახრიხტენი“ თავდამსხმელს მოიხსენიებს 30 წელს გადაცილებულ ირანელად, თუმცა ეს ცნობა სხვა წყაროებს ჯერ არ დაუდასტურებიათ.