(რეზონანსი) იგოეთის მონაკვეთთან მიკროავტობუსი და ტრაილერი ერთმანეთს შეეჯახნენ, რის შედეგადაც ქალი დაიღუპა.

არსებული ინფორმაციით, მიკროავტობუსი გადაჭარბებული სიჩქარით მოძრაობდა და ტრაილერს უკნიდან დაეჯახა.

მიკროავტობუსში მყოფი ქალი ადგილზე დაიღუპა, ხოლო მძღოლი უგონო მდგომარეობაში საავადმყოფოში გადაიყვანეს.

მომხდარ ფაქტთან დაკავშირებით გამოძიება სსკ-ის 276-ე მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია. საქმეზე დანიშნულია ექსპერტიზები და მიმდინარეობს გამოძიება.