(რეზონანსი)მარნეულის მუნიციპალიტეტის სოფელ წერეთელის მცხოვრები 65 წლის მამაკაცი, სავარაუდოდ, მწერის ნაკბენის შედეგად გარდაიცვალა. მამაკაცი სათევზაოდ იყო წასული და იქიდან უკვე ინფიცირებული დაბრუნდა.

დაავადებათა კონტროლისა და საზოგადოებრივი ჯანდაცვის ცენტრის წარმომადგენელთა განცხადებით, ოფიციალურად გარდაცვალების მიზეზი ჯერჯერობით ცნობილი არ არის, თუმცა, ცნობილია, რომ მამაკაცი ანაერობული ინფექციით გარდაიცვალა, რომელიც ჰაერწვეთოვანი გზით არ ვრცელდება და ორგანიზმში მხოლოდ მწერის კბენის, ან კანის ზედაპირის გაკაწვრის შედეგად ხვდება.