სამხრეთ აფრიკის რესპუბლიკაში 21 ივლისს, საღამოს მიკროავტობუსი ჩაცხრილეს, რომელშიც ტაქსის მძღოლები ისხდნენ. ისინი იოჰანესბურგში კოლეგის დაკრძალვიდან ბრუნდებოდნენ. 

"შემთხვევა გუშინ, საღამოს დაახლოებით 20:00 საათზე მოხდა. მიკროავტობუსს ცეცხლი გახსნეს, რის შედეგადაც 11 ადამიანი დაიღუპა, ოთხი კი სერიოზულად დაშავდა. დაჭრილები საავადმყოფოში იმყოფებიან. ისინი გაუტენგას ტაქსის მძღოლების გაერთიანებიდან იყვნენ", - განუცხადეს ადგილობრივი ხელისუფლების წარმომადგენელმა "როიტერს".

მომხდარში ეჭვმიტანილის ვინაობა და სროლის მოტივი უცნობია. ტაქსი-მიკროავტობუსი ძალიან პოპულარული ტრანსპორტია სამხრეთ აფრიკის რესპუბლიკაში, თუმცა ძალადობის შემთხვევები ხშირად ხდება.