კახეთში, გორსა და გარდაბანში ძლიერი წვიმის შედეგად საცხოვრებელი სახლები და ეზოები დაიტბორა. ამის შესახებ ინფორმაციას საგანგებო სიტუაციების მართვის სამსახური ავრცელებს.
სიღნაღისა და ლაგოდეხის ოთხი სოფელი დაიტბორა. უწყებაში 6 შეტყობინება შევიდა
გორში დაიტბორა საცხოვრებელი სახლები და ეზოები, სულ შევიდა 18 შეტყობინება. მაშველებმა 3 ოჯახის ევაკუაცია განახორციელეს.
გარდაბნის სოფელი კრწანისში დაიტბორა საცხოვრებელი სახლები და ეზოები: სულ შევიდა 4 შეტყობინება.
მაშველებმა 11 ოჯახიდან 15 ადამიანის ევაკუაცია განახორციელეს.
უწყების ცნობით, სტიქიის შედეგად, არც ერთ ქალაქში მოქალაქეები არ დაშავებულან.
საგანგებო სიტუაციების მართვის სამსახური განსაკუთრებულ რეჟიმში მუშაობას განაგრძობს.