საქართველოს პრეზიდენტის სიძის ახლო მეგობარს, თორნიკე კაჭარავას ბრალს ოფიციალურად დღეს წარუდგენენ. შესაძლოა სასამართლომ დღესვე მისთვის აღმკვეთი ღონისძიების შეფარდების საკითხი გადაწყვიტოს.

კაჭარავას ამჯერად ცეცხლსასროლი იარაღის უკანონო შეძენა-შენახვა-ტარებაში ადანაშაულებენ.

ბრალს დაკავებული უარყოფს და ამ დრომდე დუმილის უფლებით სარგებლობს.

თორნიკე კაჭარავას წინააღმდეგ ეს პირველი სისხლის სამართლის საქმე არ არის. ბოლოს ის შარშან დიდი ოდენობით ნარკოტიკების შეძენა-შენახვაში დაადანაშაულეს. საქმის ძიება ამ დრომდე მიმდინარეობს.