(რეზონანსი) სალომე ზურაბიშვილი „ქართული ოცნების" საპრეზიდენტო კანდიდატი არ არის, - ამის შესახებ თბილისის მერმა კახა კალაძემ განაცხადა.

მისივე თქმით, „ქართული ოცნება" პრეზიდენტის პოსტზე რამდენიმე ღირსეულ კანდიდატს განიხილავს, რომელთაც პირველ ტურშივე გამარჯვების შანსი აქვთ.

„კონსულტაციები დიდი ხანია მიმდინარეობს, საუბარი არის რამდენიმე კანდიდატურაზე. „ქართული ოცნების" საპრეზიდენტო კანდიდატი უახლოეს მომავალში, კანონის შესაბამისად, დასახელდება. ბევრი საინტერესო და ღირსეული კანდიდატი განიხილება, რომელსაც პირველივე ტურში აქვს გამარჯვების მოპოვების შესაძლებლობა და საზოგადოების მხარდაჭერა. შესაბამისად, უახლოეს დღეებში, პოლიტსაბჭოზე მოხდება განხილვა და გადაწყვეტილების მიღება",- ამბობს კალაძე.